|
|
|
Lagiel pellol joven tagan
Lagiel pellol joven tagan,
Kazvoi kolme čomuo saduu.
Kazvoi kolme čomuo saduu,
juuri on pitkän sillan rinnal.
Kui vai enzimäizes saduizes
linduine pajuo pajatti.
Kui vai toizes suur saduizes
kägöihyt vai puaksuh kukkuu.
Kui vai kolmandes saduizes
maamoi poiguo provožaiččou.
”Sano sinä, armaz poigu,
kedä sinul on jättiä žiäli?”
” Žiäl on jättiä omua valdua,
vie žiälemb on tyttyö čomua.
Kaikis enimän on žiäli
armahas mamis erota.
Yksin häi minuu kazvatti,
iče äijän vaivua nägi.
Nygöi armastu poigastu
mamoi armieh provožaičči.
| | | ФА 7/4. Записали В.Я. Евсеев, Л.В. Суни, 1952 год.
| |
|
|
|
|