Новости
Контакты



 Pedri kuulužu kuningassu (Петр - знаменитый царь).

 Южная Карелия (ливвики)


Сказительница Никифорова Анастасия Федоровна. Петровский р-н, д. Вохтодеро.
 1939 г.

Исполнитель:
А.Ф. Никифорова,п. Спасская Губа Кондопожского района

Pedri kuulužu kuningassu (Петр - знаменитый царь).



Pedri kuulužu kuningassu,
Suur Moskovan on hyvä moločču,
Karjalan on kaupungimiessy.
Työndi kirjadi kirehešti
viizahahe Viiburih.
Viizahan Viiburin izändäle
kyzelöy da grozelou:
”Ongo voidu Volvariloissu,
ongo lihuo da linnassu,
ongo kalua kaupungissu?”
Viizas Viiburin izändy,
Suomen niemen i sodiherrauml
”O eule lihua da linnassu
da eule kalua kaupungissu,
eule voidu Volvarilois.
Sinizen i sillan korvassu
mulloin kuolluh on musta ruuna,
tänävuon on vaibunuh valgei tamma
no tulijan vierahan varahe!”
Pedri kuulužu kuningassu,
O Moskovan on hyvä moločču,
Karjalan on kaupungimiessy.
O suorittelou sodamiehet
i varustelou vabamiehet.
Työndäy viizahan Viiburein ual.
Kolme vuottu sie seizotahe.
Nouzou akku krepostile,
šulku peredniekal viippuou.
Pedri kuulužu kuningassu,
O Moskovan on hyvä moločču,
Karjalan on kaupungimiessy
Ga kovah suuttuu, kovah siändyy.
O muraldau mustat habenet,
tahtou akan i ähkätä da
pienil juadroil pirahutua.
Sodamiehet i sovetuijah da
vabamiehet da vagaitellah:
”Ei pie akkua ähkätä da
pienil juadroil pirahuttua.
Eihäi akku pahua sanonnuh
gu käski krieposti omas kohtas”.
Pedri kuulužu kuningassu,
O Moskovan on hyvä moločču,
Karjalan kaupungimiessy
o suorittelou sodamiehet
i varustelou vabamiehet,
työndäy krepostin omah kohtah.
Viizas Viiburin izändy,
ga Suomen niemen i sodiherra
tulou avaiminke vastah:
”Ongo voidu Volvariloissu,
ongo lihua da linnassu,
ongo kalua kaupungissu.
Ga Pedri kuulužu kuningassu
da Moskovan on hyvä moločču,
Karjalan on kaupungimiessy:
”Ga ei pie teijän avaimii,
otammo Suomen niemen tukul,
omah uskoh da omah vlastih!”
Ottau Suomen niemen kaiken
da omah uskoh da omah vlastih.


ФА 5/4 Записал В.Я. Евсеев, 1948 год.



Фольклор

Жанр

Район

Название


Внимание! Данные архивные фонды являются собственностью Института языка, литературы и истории Карельского научного центра Российской Академии наук и охраняются действующим законодательством РФ.
Любое их использование в коммерческих целях преследуется по закону. Представленные образцы могут быть использованы исключительно в научных, образовательных и культурологических целях.